Sa'o sen nchri bakake'e sen naa nagua manta tjua bakiji ti ntaxroxrao tuteeni. Camisa ixi tsjo tsijaunni ko je'o tutee sen, kaxun bakake'e sen sinito jatse.
Baki'te jaa sen yuu lazo ko bakintee sen ka ixi chjajua jatse, chjajua jatse batonde'e sen nchrichajan ko chjajua seen bakonde'e sen nachri, baketsaa sen kaxun tu'te tie.
Sen xi bakake'e sen kachamanta, ka'te correa, camisa manta ko xronchritja.
Ngaxin sen jai je'o sintexinñaon sen xranchi baketsaa sen saó, ko ndachro sen "jaña baketsaa sen tachri'ina".
Jay sen chajan, nchri ko xi, jéxin manta tintekake'e sen, manta tikonni tochji ngataon ndaasin.
